WE LOVE MOHAMMED saw

Bismillah-Hirrahman-Nirrahim !!! Assalamu Alaikum Wa Rehmatullahi Barakatuhu ۞ 

*Allah Ke Naam Se Shuru Jo Tamam Jahano Ko Banane Wala Aur Usey Palney Wala Hai!

*Aur Duroodo Salaam Ho Uskey Aakhri Nabi Rasool’Allah (Sallallahu Alaihi WaAalihi WaSallam) Par ,….

Hamare Peshe Nazar Nabi-e-Kareem Sarvare-do-Aalam (Sallallahu Alaihi WaAalihi WaSallam) Ka Yeh Farman Bhi Hai, Jo Aapne Hajjatul Wida Ke Mouke Par Irshad Farmaya ..

“Aye Logon! Shayad Ayinda Saal Ya Fir Kabhi Tumse Yaha Mulaqat Na Ho Sake. Jo Tumse Garib Hai Unhe Wohi Khilao Jo Tum Khate Ho, Wohi Pehnao Jo Tum Pehnte Ho, Ke Sab Ko Allah Hi Ki Taraf Loutna Hai, Aur Wo Tumse Tumhare Amaal Ka Hisab Lega.”

*Jo Moujud Hai Unhe Batado Jo Moujud Nahi, Ke Tum Sab Ek Aadam Ki Aulaad Ho Aur Tum Me Sabse Behtar Wo Hai Jise Allah Ka Khouf Hai. *Mai Jo Kuch Kahu Usey Gour Se Suno! “Ayyam-e-Jahiliyat Ke Makhtuleen Ka Qasaas Aur Diyat Dono Khatm Ki Jati Hai,.. *Yaad Rahe!! Har Musalman Dusre Muslman Ka Bhai Hai, Aur Tamaam Musalman Aapas Me Bhai-Bhai Hai,..

*Musalmano Me Rang, Nasl Aur Kabile Ka Koi Imteyaj Nahi,.. Koi Musalman Kisi Dusre Ke Maal Par Najayaz Tassaruf Nahi Karega, Warna Yeh Ek Dusre Par Zulm Ho Jayega.

*Logon Gour Se Suno! Jo Cheez Mai Tum’me Chode Ja Raha Hu, Wo Nihayat Wajeh Aur Roshan Hai. Aur Wo Hai Allah Ki Kitab Aur Uskey Rasool Ki Sunnat. Agar Isey Mazbuti Se Pakdey Raho Tou Kabhi Thokar Na Khaoge.”

Fir Aapne Takmil-e-Deen Ke Hawale Se Iss Ayat Ki Tilawat Farmayi.

♥ Al-Quraan: “Aaj Ke Din Hamne Tumhare Liye Din Ko Mukammil Kar Liya. Aur Apni Neymate Hamne Tum Par Tamam Kar Di. Aur Tumhare Liye Deen-e-Islam Ko Pasand Kar Liya..”

– (Sureh-Maida: Ayat-3)

*Beshaq Allah Aur Uskey Rasool (Sallallahu Alaihay Wasallam) Ka Paigaam-e-Haq Tamam Insaniyat Ke Liye Hai ,.. Bilashuba Isme Humari Duniya aur Aahirat Ki Kamiyabi Hai ,..

*Lihaja Hume Chahiye Ke Mukhlis hokar Amr Bil Maroof Wa Nahi Anil Munkar Par Amal Karte Hue Hum Apne Rab Ko Raazi Kare, Sahi Ilm Hasil Kar Khud Bhi Amal Kare Aur Dusro Ko Bhi Iski Talkeen , Nasihat Aur Wasiyat Karey,..

Jiske Talluk Se ♥ Rasool’Allah (Sallallahu Alaihay Wasallam) Farmatey Hai –

» “Behtareen Sadqa Yeh Hai Ki Musalman Aadmi Ilm Haasil Kare, Phir Apne Musalman Bhai Ko Sikhaaye” – (Ibn-e-Maajah J:1 S:158 H:243)

» “Logo! Ilm Ke Wapas Liye Janey Aur Utha Liye Janey Se Pehle Ilm Hasil Karlo.” –(Musnade Ahmad)

Hum ! Aa-Hazrat (Sallallahu Alaihi WaAalihi WaSallam) Ke Issi Irshad-e-Mubarak Par Amal Karte Hue Iss Website Ke Waseele Se Ummat-e-Muslima aur bilkhusus apne Gairmuslimo Bhaiyo-Beheno tak Paigam-e-Haq Pohchaane Ki Adanasi Koshish Kar Rahey Hai ,…

♥ In’sha’Allah-Ul-Azeez !!!

# Allah RabbuL Izzat Hume Kehne Sun’ne Se Jyada Amal Ki Taufik Dey ,..

# Humey Kitabo Sunnat Ka Muttabey Banaye …

# ‘Amr Bil Maroof Wa Nahi Anil Munkar’ Par Amal Ki Taufik Ata Farmaye ,..

# Jab Tak Hume Zinda Rakhey Islam Aur Imaan Par Zinda Rakhey…

# Khatma Humara Imaan Par Ho …

!!! Wa Akhiru Dawana Anilhamdulillahe Rabbil A’lameen !!!

Post by. ummat-e-nabi.com

Rpost.WeloveMOHAMMEDSAW